ماحدش يقدر ينكر خطورة مرض السرطان ...
لكنه فى الاول وفى الاخر مرض
واكيد هيكونله علاج ان شاء الله ..
وزيه زي اي مرض الحالة النفسية للمريض بتأثر جدا
فى الشفاء علشان كده مهم جدا اننا مانعتبرش المريض مافيش منه امل
لأن ناس كتير اتعالجت منه بفضل الله ..
اعترف انى فى وقت من الاوقات كنت
بعتبر مريض السرطان ميت ماشى على رجلين
وكنت بتقطع من جوايا علشانه
لكن بمرور الوقت ولما كبرت شوية
ولما المرض انتشر بطريقة رهيبة
بقيت اقول ومين فينا مش ميت وماشى على رجلين ؟؟
ومين فينا ضامن انه - بعد الشر ربنا يبعده عنا - ما يكونش مريض ومش عارف ؟؟
ومين عارف مريض السرطان مكتوبله يعيش قد ايه
وقريت قصص لناس كانت عبقرية فى محاربة السرطان
اقربها لذهنى دلوقتى الرائع امل دنقل
اللى كان بيحاربه هو وزوجته بالحب وبالابتسامة
وانا بقرأ قصتهم استغربت جدا انها بتقول اجمل ايامنا عشناها فى الغرفة رقم 8 فى معهد السرطان
العمر واحد ، فليه ما نعيشش كل لحظة فيه
بأمل فى ربنا وثقة فى رحمته
وبإبتسامة هتخفف آلامنا ومش هتكلفنا حاجة
ومن هنا كانت الفكرة
بحاول انشر الفكرة بقدر الامكان علشان كل واحد فينا يقابل مريض السرطان
بدل ما يمصمص شفايفه ويترحم عليه يزرع جواه امل جديد فى بكرة
يسأله عادى زى ماكان هيسأل اى انسان طبيعى
عن آماله وطموحاته ولو لقى كل احلامه متعلقة بالمرض يصحح نظرته
ويقنعه انه من حقه يعيش ويحلم ويشتغل ويعمل كل حاجة
ويسيب كل حاجة على ربنا
كمان هدفى انى ارسم صورة مشرقة شوية
واعرض ان قد ايه فى طرق بسيطة بتساعد فى المقاومة
وقد ايه فى طرق بسيطة ممكن تقينا من المرض
وكمان لازم ناخد بالاسباب ونتجنب قدر الامكان كل حاجة ممكن تتسبب فى المرض دا
لكنه فى الاول وفى الاخر مرض
واكيد هيكونله علاج ان شاء الله ..
وزيه زي اي مرض الحالة النفسية للمريض بتأثر جدا
فى الشفاء علشان كده مهم جدا اننا مانعتبرش المريض مافيش منه امل
لأن ناس كتير اتعالجت منه بفضل الله ..
اعترف انى فى وقت من الاوقات كنت
بعتبر مريض السرطان ميت ماشى على رجلين
وكنت بتقطع من جوايا علشانه
لكن بمرور الوقت ولما كبرت شوية
ولما المرض انتشر بطريقة رهيبة
بقيت اقول ومين فينا مش ميت وماشى على رجلين ؟؟
ومين فينا ضامن انه - بعد الشر ربنا يبعده عنا - ما يكونش مريض ومش عارف ؟؟
ومين عارف مريض السرطان مكتوبله يعيش قد ايه
وقريت قصص لناس كانت عبقرية فى محاربة السرطان
اقربها لذهنى دلوقتى الرائع امل دنقل
اللى كان بيحاربه هو وزوجته بالحب وبالابتسامة
وانا بقرأ قصتهم استغربت جدا انها بتقول اجمل ايامنا عشناها فى الغرفة رقم 8 فى معهد السرطان
العمر واحد ، فليه ما نعيشش كل لحظة فيه
بأمل فى ربنا وثقة فى رحمته
وبإبتسامة هتخفف آلامنا ومش هتكلفنا حاجة
ومن هنا كانت الفكرة
بحاول انشر الفكرة بقدر الامكان علشان كل واحد فينا يقابل مريض السرطان
بدل ما يمصمص شفايفه ويترحم عليه يزرع جواه امل جديد فى بكرة
يسأله عادى زى ماكان هيسأل اى انسان طبيعى
عن آماله وطموحاته ولو لقى كل احلامه متعلقة بالمرض يصحح نظرته
ويقنعه انه من حقه يعيش ويحلم ويشتغل ويعمل كل حاجة
ويسيب كل حاجة على ربنا
كمان هدفى انى ارسم صورة مشرقة شوية
واعرض ان قد ايه فى طرق بسيطة بتساعد فى المقاومة
وقد ايه فى طرق بسيطة ممكن تقينا من المرض
وكمان لازم ناخد بالاسباب ونتجنب قدر الامكان كل حاجة ممكن تتسبب فى المرض دا
0 comments:
Post a Comment